tagu-ob ni APOng...
 
 photo gaafumaldives6_zpsf994e23e.jpg


ti kastoy nga kanito, maamiris ti aniniwan ti naglabas
saan nga napunas ditoy panunot, naykitikit ti isip
manipud kina-ubing aginggana’t kinamanakman
nagbalin nga tandudo ti panangsurot
ti nalinteg nga dalan ti biag

saan nga manamnama nga nalaka latta ti desdes
na-ilet, nagalis, killo-killo ken nasang-at no dadduma
saan nga gamden ti manglinteg tapno madanon ti tuktok
daytoy ti aramid daguitay manglimlimo nga takrot
ipakat ti bileg ti kinasaririt , bay-am nga agling-etka
iyunnatmo daguita imam, ikaradapmo daguita saka

suroten ti kaipapanan ti nabalitokan nga adal
“dimo aramiden ti maykaniwas ti padam nga tao
no dimo kayat nga ma-aramid kenka”

di liplipatan ti bendisyon ti Namarsua
iso ti kanayon nga kadua ket maipasinunuo ti sal-uad ken asina
awan ti aramid nga saanna nga ammo
ta manipud inaw agingana’t naytao
am-ammo nata'y amin, uray siasino…

ta dennam biagko maikkat ti ladingit
ta no agkak ta pingpingmo nga nakersang
apagdarikmat mapunas ti sennaay ti biag, maragsakan

susmaryosep, ania ket nga atapmon alimokeng
pa-approsanka kadi ah, ta riknaek ti lamuyot ta dutdotmo
ta barbareng matimudmo ti sam-it toy dayyengko
ket ipalubosmo nga et-etak ta sibetmo, inka isala
iti daytoy nga rabii nga nasudi,aglin-na-ilo ta

makatitileng nga ulimek ti aglawlaw
mang-ngegan ket ti agar-aruyot nga samiweng
ken dayyeng daguiti agkakawiwit nga kuryat

ket ti tangatang buyaen ti rimat ken pintas
daguiti agrara-ay nga bituen
ken ti naingpis nga raniag
ti kidem piyek nga bulan…

kappia!

By XRifles

© 2017 XRifles (All rights reserved)

 

Read more poems by  XRifles
Send this poem to a friend


The Starlite Cafe Discussion Board | Home

Back to Previous Page